Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
三月 28, 2024 星期四 短暫陽光 27° 70%

海外樓置業原因

 
     
2017/12/05 Fennie Ng
過去環境 記得當時年紀仲細,好多事無去諗,之後1989年發生過乜事,唔想提了…… 跟住嘅香港每個人都好驚,驚某D事會發生…… 第一輪「移民潮」出現咗! 1997 年之後,好多人抱住個觀望嘅心態「未必咁差嘅」,於是乎又回歸香港呢個地方,重燃「希望」。 「無期望先至無失望;有過期望嘅失望…… 係叫做絕望!」- 利申:我唔係80後,我仲攞住本 BNO,留戀住「過往」…… 雖則本人都係老餅一個,但好明白現在年青一輩嘅「絕望」係點演變而成,我明㗎,我真心明白㗎,唔需要見到紅色嘅場面先會明白。 香港怪現象 有人吹風香港回穩,經濟開始復甦?我唔覺囉,周街「吉舖」無人租,要租得出就要劈價,否則業主們擺多幾年蝕下租喇。條街望落好多人,問心跟本旺丁唔旺財,點解D人唔洗錢?你話呢?D樓咁貴,有慈父慈母比首期,真係唔洗供咩?供樓梗係就住洗,就住食,邊會亂洗錢?無 Money Flow個市場點會好呀?D樓仲越叫越貴,唔合理嘅「實用面積」,又有人搶喎,而入到場買「天價納米豪宅」,真係「恭喜你」,有個安樂蝸,又利申一下:我未有資格買,仲租緊人哋屋,所以好明白無殼蝸牛一族嘅苦況! 令人遺忘嘅生活空間 有人將星洲房概念套用喺未來幾年嘅香港,點解又唔學星洲有「人均住屋空間」限制呢?依家嘅「納米豪宅」最多單位係200幾呎至300幾呎(劈得就劈),但要500幾600萬,同曱甴屋分別不大囉…… 「人」長期被困喺窄少空間會抑鬱㗎,仲要 cut 醫管局資源,火都嚟! 放眼世界 香港人始終都係鍾意買磚頭保值,呢個係一個「基因」問題,無得解!而每一個父母都希望為下一代鋪路,眼見咁嘅時世,邊個唔想走先?走到都想走,留比D新香港人喇,唔想爭!真心比過機會香港去「變好D」,原來只係一廂情願,心情比1989年更絕望,有人係抱住「期望」,今日係「面對現實嘅絕望」!有得揀都希望去一個更民主、更安全嘅地方生活囉,有邊個唔想呢?近排朋輩之間已經又出現一股「新移民潮」…… 唉…… (曾前司長,你真係貼地好多),香港唔再係比D有抱負、有能力嘅人,每天越趨內地化,靠人事、講關係!
(文章內容純屬作家個人意見,並不代表本網頁立場)
贊助