【Emily】與仔女決裂被提走450萬 身家惹議 曾擁巨款何伯住新婚妻公屋 房署調查

【明報專訊】電視台節目近期播放76歲何伯娶46歲內地背景女子，涉及錢銀轇轕及子女紛爭，當中提到何伯戶口曾有450萬元積蓄，現寄住新婚太太?公屋單位。事件引起唔少人談論，據Emily了解，房屋署都關注事件，正留意有無人違反公屋資源合理分配政策安排，會調查，如果發現有違規會採取相應行動，不排除任何可能，包括收回公屋單位。 無線《東張西望》近日播出何伯事件，提到何伯娶咗46歲女子，婚後女方提出叫何伯攞100萬元搞飲食生意，而何伯話5個仔女同佢決裂，仲話細女提走同阿爸開?聯名戶內?450萬元積蓄。 何伯妻索百萬搞飲食 黃傑龍出「防騙訊息」帖 敘福樓主席兼行政總裁黃傑龍就喺facebook出「防騙訊息」帖文，話有長者被人一句「想做餐飲，覺得香港餐飲業有前景」，就貿然投資100萬畀人開餐廳，作為飲食業界?黃傑龍話要提醒大家，如果有人問你攞錢搞飲食，有可能係騙徒，根本唔係做生意，就算真係拎筆錢搞生意，佢話飲食業屬非常高難度行業，投資飲食業屬危險動作，「冇受過專業訓練切勿模仿，敬請子女留意家中長者情况」。有網民就回應話，黃老闆抽水功夫了得，亦有人反問，100萬元可以投資到乜嘢飲食生意。